Reperi i njohur Mozzik ka një raport shumë të ngushtë me vëllezërit Veshaj, Romeon dhe Donaldin. Ata shpeshherë ndajnë momente së bashku në rrjetet e tyre sociale. Së fundmi, ka qenë Romeo që ka ndarë një video me reperin. Ai ka realizuar një trend në TikTok, të shoqëruar me një “sound” që është bërë viral në rrjetin social.
“Ke 100 vjet që nuk del me ndonjë femër. Shikoni djema, e vlerësoj shqetësimin tuaj për mua por nuk është në dorën time.”, thuhet në deklaratën me të cilën ka shoqëruar videon. Mozzik shihet duke qeshur por natyrshëm lind pyetja: “Mos vallë Romeo i zbuloi një sekret Mozzik për jetën e tij sentimentale?”
Dy artistët janë miq shumë të ngushtë dhe nuk do ishte habi që të flisnin edhe për jetën private me njëri-tjetrin. Për më tepër vetë reperi para disa javësh në një bisedë virtuale me ndjekësit në Instagram pranoi se është single, çka na bën të mendojmë se Romeo mund të ketë të drejtë.
Kujtojmë se, Mozzik dhe Loredana, të cilët janë prindër të një vajze, konfirmuan pak muaj më parë se kishin vendosur të ndaheshin pasi gjërat nuk po shkonin mirë mes tyre. Ndarja erdhi vetëm pak kohë pasi ishin ribashkuar.
Ndërkohë, të pyetur herë-pas-here nga ndjekësit nëse janë në një lidhje apo jo, të dy kanë treguar se janë single. Nëse do ketë një ribashkim tjetër mes tyre mbetet për tu parë.
Discussion about this post