Edhe pak kohë na ndan nga protesta e Partisë Demokratike, e cila ka paralajmëruar se do të bllokojë gjashtë akse kryesore në vend.
Dhjetëra qytetarë janë parë në Sheshin Shqiponja në kryeqytet. Ndërsa, nga ana tjetër policët janë bërë gati, të pajisur me skafandra. Në këtë pikëkalim, ku opozita ka thënë se do ta bllokojë duke nisur nga ora 17:00 shihet se ka tepër trafik.
Si pjesë e strategjisë së saj dhe do të jenë deputetët e PD-së që do të shpërndahen në 6 akse kryesore duke paralizuar qarkullimin për tre orë. Çdo segment do të ketë në krye degët e PD në rrethe si dhe deputetët e qarkut.
Sheshi Shqiponja, ku do të jenë të pranishme degët e Tiranës dhe qarkut Dibër që do të bllokojnë hyrje-daljet në këtë rrugë dhe lëvizjen e automjeteve. Deputetët që do të jenë në këtë pikë janë Flamur Noka, Albana Vokshi, Xhelal Mziu, Petrit Doda, Asllan Dogjani, Helidon Bushati, Kreshnik Çollaku, Dhurata Çupi dhe aleatët të cilët do të jenë bashkë me qytetarët.
Pika e dytë do të jetë rrethrrotullimi Milot, ku do të vendosen deputetët e qarkut Kukës, Shkodër dhe Lezhë, përkatësisht deputetët Flamur Hoxha, Isuf Çela, Emilja Koliqi, Ramadan Lika, Greda Bardeli, Ludovik Hasanaj, Lindita Metaliaj, Elda Hoti, Kastriot Piroli.
Tek rrethrrotullimi Shkozet, do të jenë degët e qarkut Durrës, Fushë-Kruja, Kruja, Shijaku.
Në rrethrrotullimin e Bradasheshit do të jenë degët e qarkut Korçë, Elbasan me deputetët Lefter Gështenja, Qani Xhafa, Edmond Spaho, Sorina Koti, Tomor Alizoti.
Në rrethrrotullimin e Rrogozhinës, degët Kavajë, Lushnjë, Rrogozhinë dhe Divjakë me Ilda Dhori, Dashnor Sula, Bledjon Nallbati;
Në rrethrrotullimin Levan, degët e Fierit, Gjirokastrës, Vlorë, Berat, Luan Baçi, Kasem Mahmutaj, Tritan Shehu, Bujar Leskaj”, raportoi gazetari Stafa.
Deputetët e tjerë Gazment Bardhi, Agron Gjekmarkaj, Oerd Bylykbashi, Jorida Tabaku Ina Zhupa, Zheni Gjergji dhe Saimir Korreshi do t’i bashkohen tubimit te sheshi Shqiponja në orën 18:00, pas përfundimit të takimit të MSA-së.
Afati i bllokimit po kështu mësohet të jetë 3 orë, nga ora 17:00-20:00.
Rrethrrotullimi i Bradasheshit, ku pritet të mbahet mosbindja civile, ka fluks të madh mjetesh.
Kjo mund të jetë e lidhur me faktin që shoferët kanë dijeni se rruga edhe pak mund të bllokohet. Ndërkaq, deputeti i PD Qani Xhafa ka paralajmëruar protestë masive nga ana e PD-së tek Rrethrrotullimi i Bradasheshit.
Protesta e PD pritet të mbahet kryesisht pranë Rrethrrotullimit të Bradasheshit, që është një nyje kyç për mjetet që shkojnë për në Korçë, Belsh e Berat.
Në rrethrrotullimin e Shkozetit, një nga 6 pikat ku do të protestohet në kuadër të mosbindjes civile, ka nisur grumbullimi i mbështetësve të opozitës.
Mbështetësit e opozitës kanë nisur të grumbullohen pak pas orës 16:30, ndërsa protesta pritet të nisë në orën 17:00. Protestuesit do të bllokojnë edhe dy anët e autostradës, pranë nënkalimit të Shkozetit.
gijotina.com/
Discussion about this post