Reshjet e shiut dhe të borës kanë sjellë një sërë problematike në disa qarqe, duke shkaktuar përmbytje dhe probleme me qarkullimin në akset rrugore.
Autoriteti Rrugor Shqiptar bën me dije se fatmirësisht mëngjesi i sotëm ka nisur me kushte të përmirësuara atmosferike ku në jug dhe në rajonin qendror reshjet kanë pushuar.
Ndërkohë po punohet për pastrimin e rrugëve dhe për hedhjen e kripës në ato segmente ku ka prezencë të borës.
Në Rajonin Verior gjatë natës ka pasur kryesisht reshje shiu, pa sjellë probleme me qarkullimin e mjeteve dhe është punuar në Qafë Mali-Fierzë për pastrimin e aksit duke bërë që qarkullimi të vazhdojë normalisht.
ARRSH i bë thirrje drejtuesve të mjeteve të bëjnë kujdes dhe të respektojnë sinjalistikën rrugore duke reduktuar shpejtësinë dhe të pajisen me zinxhirë dhe goma dimërore.
Discussion about this post