Moti gjatë ditës së sotme, e diel, 20 shtator 2026, do të jetë relativisht i paqëndrueshëm në vendin tonë.
Paraditja do të nisë me kthjellime, ndërsa nga mesdita dhe deri në orët e pasdites pritet shtim gradual i vranësirave, të cilat në një pjesë të madhe të territorit do të jenë mesatare dhe herë pas here të dendura.
Në zonat kodrinore dhe malore, vranësirat e dendura do të shoqërohen me reshje shiu të herëpashershme me intensitet të ulët. Në intervale të shkurtra, reshjet mund të marrin formën e shtrëngatave, të shoqëruara me shkarkesa elektrike.
Era do të fryjë nga verilindja dhe veriperëndimi me shpejtësi mesatare rreth 7 m/s. Përgjatë vijës bregdetare dhe në lugina, shpejtësia e erës mund të arrijë deri në 10 m/s.
Në det pritet valëzim i forcës 1–2 ballë.
Discussion about this post