Shërbimi Meteorologjik Ushtarak parashikon një mot në fundjavë aspak të qëndrueshëm.
Sipas SHMU, fundjava pritet të ketë mot kryesisht të paqëndrueshëm. Përpos shiut, pritet të mos mungojnë edhe shtrëngatat.
“Vijon edhe për këtë fundjavë vendi ynë të jetë nën ndikimin e kushteve atmosferike kryesisht të paqëndrueshme.
Në këtë mënyrë për ditën e shtunë moti parashikohet kryesisht me kthjellime por edhe alternime vranësirash deri të dendura në orët e mesditës dhe pasdites. Këto vranësira në zonën e qendrës dhe veriut do të shoqërohen me reshje shiu të dobëta dhe afatshkurtra ndërsa lokalisht nuk do të mungojnë shtrëngatat.
Për ditën e Diel moti parashikohet kryesisht i vranët por nuk do të mungojnë edhe intervalet e shkurtra me diell. Vranësirat do të shoqërohen me reshje shiu të herëpashershme përgjatë gjithë ditës me intensitet të ulët dhe mesatar në formën e shtrëngatave”, parashikon SHMU.
Discussion about this post