Ura e vjetër e Bahçallëkut në Shkodër është mbyllur pasi u shemb nga moti i keq. Kryebashkiaku Bardh Spahia ka paralajmëruar banorët që të mos rrezikojnë jetën. Sipas numrit një të Shkodrës, ata duhet të evakuohen në momentin më të parë që paraqitet nevoja.
Spahia: Shkodra është pa komunikim normal me pjesën tjetër të vendit. Jemi detyruar të mbyllim qarkullimin në urën e Bahçallekut pas shëmbjes së urës së vjetër. Kjo gjendje paraqet rrezikshmëri shumë të lartë dhe kërkon vlerësim maksimal nga autoritetet përgjegjëse. Bllokimi i qarkullimit si masë parandaluese ishte i detyruar, por nuk mund të zgjasë në këtë emergjencë që ndodhemi.
Ju kërkova banorëve të kësaj lagjeje si dhe Ajasmës që të mos rrezikojnë jetën e tyre, por në momentin më të parë që paraqitet nevoja, të evakuohen. Strukturat tona do të jenë në terren për ta ndjekur hap pas hapi situatën, që për fat të keq po përkeqësohet.
Discussion about this post