Prej disa ditësh vendi ynë është përfshirë në kushte atmosferike shumë të ftohta dhe si pasojë e reshjeve të dëborës shumë qytet janë bllokuar. Këtë mëngjes, Autoriteti Rrugor Shqiptar ka publikuar të dhënat më të fundit në lidhje me gjendjen e disa akseve rrugore në vendin tonë, si pasojë e motit të keq dhe temperaturave tepër të ulëta.Kështu, sipas ARRSH, gjatë natës ka pasur reshje dëbore në Llogara, në Damës-Memaliaj dhe Hani i Hotit Tamarë, por nuk ka pasur probleme me qarkullimin.
Makineritë kanë punuar gjatë natës me mjete borëpastruese për shpërndarjen e kripës në të gjitha akset nacionale për të evituar ngricat, pasi temperatura kanë qenë nën 0°C.Ndërkohë, sipas njoftimit të ARRSH, drejtuesit e mjeteve, duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore.
Discussion about this post