Bashkia e Vlorës i ka bërë thirrje qytetarëve që të tregohen të kujdesshëm duke paralajmëruar edhe për stuhinë që pritet të përfshijë vendin tonë. Në njoftimin e bërë nga Bashkia e Vlorës, shkruhet se moti i keq pritet që të jetë intensitet maksimal nga data 5-7 dhjetor. Ndërkohë që këshillojnë qytetarët që të shmangin lëvizjet e panevojshme.
“Parashikimet e meteorologëve paralajmërojnë mot të keq prej pasdites së sotme, 5 Dhjetor dhe deri më 7 Dhjetor! Reshjet e shiut do të intensifikohen prej orës 18.00 e në vazhdim të shoqëruara dhe me stuhi të forta. Për këtë arsye do t’ju luteshim të shmangni lëvizjet e panevojshme me automjete në akset problematike nga përmbytjet si dhe parkimin e automjeteve në to. Paralajmërimet e meteorologëve për fortuna kërkojnë të jemi të kujdesshëm! Për çdo nevojë urgjente kontaktoni në “Facebook” me Ujësjellës Kanalizime Vlorë. Kujdesuni për veten dhe familjet tuaja!”, thuhet në postimin e Bashkisë.
Kujtojmë se edhe pak ditë më parë Vlora u përfshi nga një mot i keq i cili shkaktoi dëme materiale dhe la pa energji elektrike disa zona.
Discussion about this post