Moti i keq ka shkaktuar kaos në disa qarqe të vendit. Burime bëjnë me dije se aksi rrugor Vlorë-Radhimë është bllokuar këtë mbrëmje pas rrëshqitjes së dherave.
Rruga e bllokuar është bërë e pakalueshme për mjetet. Më herët reshjet e dendura të shiut kanë përmbytur disa rrugë të qytetit bregdetar. Qarkullimi i mjeteve është bërë tejet i vështirë, ndërsa kaosi është shtuar me bllokimin e aksit Vlorë-Radhimë.
Sakaq në kryeqytet janë bllokuar akset:
– Rruga e Durrësit;
– Rruga e Kavajës drejt rrugës “Ibrahim Rugova”;
– Bulevardi “Zogu i Parë” drejt rrugës “Urani Pano”;
– Rruga e Dibrës drejt 9-katsheve;
– Bulevardi “Dëshmorët e Kombit” drejt rrugës “Abdi Toptani”;
– Rruga e Elbasanit drejt 9-katsheve.
Discussion about this post