Moti i keq bllokon banorët në Malësinë e Madhe, ura e shembur nuk i lejon të punojnë tokat

Moti i keq ka shembur urën në fshatin Hysaj të Bashkisë Malësi e Madhe. Shkak për këtë janë bërë reshjet e shiut.

Banorët e zonës janë ankuar pasi ura i shërbente për të lëvizur në zonat bujqësore. Ata janë shprehur se do të jetë problem gjithashtu edhe gërryerja e tokës.

“Janë shumë dylym toke janë dëmtuara e nuk shkojnë dot. Ai është problemi për tokat dhe kishën. Mirë është të ndërhyjë bashkia. Të gjitha këto tokë që punohen, nuk ka kush të kalojë. Është dëm prej shiut dhe është e domosdoshme në funksion. Të gjitha këto parcela, përmes kësaj rruge kalojnë”- shprehen banorët.

Kjo urë shërben edhe për të kaluar në kishën 800-vjeçare që ndodhet në këtë zonë. Ende asnjë ndërhyrje nga pushteti lokal, ku tashmë lëvizja e banorëve është vështirësuar.