IGJEUM parashikon reshje me intensitet të lartë shiu në të gjithë vendin përgjatë orëve në vazhdim dhe ditës së shtunë.
Sipas IGJEUM, në qarqet Shkodër, Kukës, Lezhë, Durrës, Tiranë, Elbasan, Fier, Berat, Korçë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave
PARASHIKIMI I RREZIKUT NGA PËRMBYTJET
—————————————————
Gjatë pasdites së sotme (e premte, dt.03) dhe ditën e nesërme (e shtunë, dt.04) do të ketë reshje me intensitet të lartë në të gjithë vendin. Në qarqet Shkodër, Kukës, Lezhë, Durrës, Tiranë, Elbasan, Fier, Berat, Korçë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve. Përsa i përket lumenjve të mëdhenj, ata nuk përbejnë rrezik për përmbytje.
PARASHIKIMI METEO
———————-
RESHJET
Sot pasdite (e premte, dt. 03) dhe nesër (e shtunë, dt. 04) priten reshje intensive deri lokalisht shumë intensive në qarqet Elbasan, Berat, Korçë, Vlorë dhe Gjirokastër, ndërsa në qarqet e tjerë priten reshje intensive (siç tregohet në tabelë, respektivisht për secilin qark). Reshjet do të shoqërohen me shtrëngata në të gjithë vendin.
TEMPERATURAT
Nesër (e shtunë, dt. 04) temperaturat minimale dhe maksimale të ajrit pritet të arrijnë:
në bregdet: 14 / 18 °C
në vendet e ulëta: 10 / 18 °C
në vendet malore: 6 / 14 °C
ERA
Sot pasdite (e premte, dt. 03) era pritet të fryjë mesatare deri e fortë, për momente deri shumë e fortë, në bregdet dhe në zonat malore. Nesër (e shtunë, dt. 04), era pritet të fryjë e lehtë deri mesatare.
Discussion about this post