Reshjet e dendura të shiut gjatë natës kanë shkaktuar probleme të shumta në jug të vendit, konkretisht në Dhërmi. Mësohet se, përroi i Gjikurisë ka dalë nga shtrati dhe po ashtu përmbytjet kanë shkatërruar urën pranë ish vilave qeveritare duke përmbytur zonën përreth.
Ndërkohë në Vlorë nuk ka pasur problematika veç mungesës së furnizimit me energji elektrike. Probleme me energjinë kanë pasur gjithashtu edhe zonat e Selenicës dhe Orikumit.
Ndërsa lundrimi detar vijon të jetë i pezulluar për të gjitha mjetet. Reshjet e dendura të shiut pritet të na shoqërojnë gjatë gjithë javës, ku institucionet kanë bërë thirrje për marrjen e masave paraprake për shkak të rrezikut nga përmbytjet.
Discussion about this post