Ashtu siç u parashikua moti gjatë gjithë ditës së sotme paraqitet me temperatura të ulta e stuhi të forta ere në disa rajone të vendit. Nga dita e djeshme dhe gjatë natës, erërat e forta kanë krijuar probleme me energjinë elektrike në disa zona të Kurbinit
. Në malësinë e Kurbinit nga pasditja e djeshme, si rezultat i erërave të fuqishme është ndërprerë energjia elektrike nga dëmtimet e linjave, gjithashtu dhe në disa fshatra të tjerë energjia është me ndërprerje. Sa mësohet nga OSHE Kurbin grupet e tyre janë në terren për riparimin e linjave. Ndërkohe ende nuk ka ndonjë rast të dëmeve nga furia e erës, e cila më shumë ndihet në zonën e Milotit. Pa energji janë dhe disa fshatra në Krujë si Thumana, Bubqi dhe malësia e Krujës.
Nga ana tjetër probleme janë krijuar edhe në Lezhë. Era e fortë që ka fryrë gjatë natës ka dëmtuar linjat elektrike duke krijuar probleme të shumta në furnizimin me energji elektrike në Ishull Shëngjin, Zadrimë, Zejmen, Kallmet, Malësi e Lezhës e Shëngjin.
Discussion about this post