Moti i keq dhe era e fortë gjatë pasdites kanë sjellë probleme me furnizimin e energjisë elektrike në Lezhë. Disa fshatra të Lezhës në errësirë: Zadrima, Shënkolli, Shëngjini dhe disa zona në Zejmen janë aktualisht pa energji elektrike.
Mungesa e energjisë në disa zona ka nisur prej orës 19:00 ndërsa së fundmi edhe në Shëngjin u shkëput energjia elektrike. Kjo situatë ka ardhur për shkak të motit të keq, sidomos erës së fortë.
Kujtojmë se kjo nuk është hera e parë që ikin dritat në këto zona pasi edhe para disa javësh Lezha u godit nga erërat e forta.
Discussion about this post