Kapiteneria e Vlorës ka njoftuar anulimin e lundrimit për mjetet të vogla dhe atyre të peshkimit, për shkak të motit me reshje dhe dallgëve në det.
“Në bazë të parashikimit për situatën hidrometeorologjike të përkeqësuar në gjiun e Vlorës dhe jashtë saj për 24 orët në vazhdim, ndalohet dhënia e leje-nisjen e të gjitha mjeteve të vogla lundruese, anijeve të peshkimit dhe marrjen e masave.
Njoftohen të gjitha anijet e peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave”, shkruhet në njoftim.
Sipas njoftimit, pritet që ditën e nesërme të nisë sërish qarkullimi i mjeteve lundruese. Shqipëria u zgjua ditën e sotme nga reshjet e shiut në pjesën më të madhe të territorit, duke shkaktuar koas në rrugën e kryeqytetit.
