Reshjet e dendura të shiut gjatë natës kanë shkaktuar një sërë problematikash në disa zona të Shqipërisë. Sipas Emergjencave Civile, probleme në Tropojë ka në furnizimin e banorëve me energji elektrike. Njësitë administrative Bytyç, fshatrat Pac, Vlad, Zherkë, Berishë, njësia administrative Llugaj, fshati Luzhë, njësia administrative Tropojë e Vjetër, fshati Shumice, Zona Shipshanit, fshati Kasaj, fshati Lugizi dhe Qafë- Morinë nuk furnizohen me energji elektrike.
Nga kontraktorët vazhdon të punohet për pastrimin e rrugëve dhe për mbajtjen funksionale të tyre. Rrugët rurale në administrim të bashkive janë të kalueshme. Furnizimi me ujë të pijshëm është normal dhe deri në këto momente nuk është raportuar për ndonjë problematikë emergjente.
Ndërkohë, situata në bashkinë Has pas reshjeve të shiut duket e qetë. Rrugët nacionale dhe ato rurale janë te kalueshme pa problem dhe e gjithë bashkia Has furnizohet me ujë të pijshëm dhe energji
Ndërsa, në Bukmirë të Mirditës reshjet e shiut kanë shkaktuar probleme. Në aksin që lidh Rrëshenin me këtë zonë ka pasur rrëshqitje dherash dhe rënie gurësh, duke penguar lëvizjen e mjeteve të vogla. Në disa vende rrezikohet edhe izolimi për shkak të rrëshqitjes së rrugës. Në zonë janë dërguar fadromat për hapjen e këtij segmentit dhe emergjencat civile po punojnë për të mbajtur në kontroll situatën.
Discussion about this post