Reshjet e shiut që kanë qenë prezente në të gjithë territorin, kanë bërë që herë pas here të ketë probleme me furnizimin me energji elektrike.
Fshatrat e Memaliajt ndodh në terr të plotë si pasoje e mungesës së dritave. Mësohet se, energjia elektrike mungon në fshatrat Buz, Kalemaj, Bader, Xhafaj dhe Kurtjez pjesë e Njësisë Administrative Buz-Bashkia Memaliaj.
Ndërkohë energjia mungon edhe në Njësinë Administrative Qendër Memaliaj dhe në fshatin Kashisht. OSHEE Gjirokastër po punon për riparimin e dëmeve të shkaktuara në rrjet.
Reshjet e dendura të shiut në disa qarqe dhe të dëborës në qarqe të tjera të vendit, kanë shkaktuar probleme edhe në qarkullimin e automjeteve. Si pasojë e reshjeve, që kanë vazhduar edhe përgjatë orëve të natës, kanë sjellë rënie të gurëve dhe inerteve në disa akse rrugore.
Discussion about this post