Moti i keq me stuhi e reshje shiu ka sjellë probleme me furnizimin me energji elektrike ne fshatrat e Lezhës. Mësohet se, prej disa orësh 15 fshatra të njësive administrative Dajc dhe Blinisht ndodhen ne errësirë dhe ende nuk dihet se kur mund te rikthehet energjia në këto zona.
Po ashtu moti i keq ka përfshirë edhe qytetin e Vlorës, ku gjatë ditës ka pasur shira të dendur dhe rrebeshe. Mësohet se prej më shumë se 4 orësh zona e Radhimë-Orikum është pa energji elektrike. Dhjetëra biznese në fushën e restoranteve ankohen se po u dëmtohet puna. Në një kohë që janë të rezervuar nga turistët nga trojet shqiptare, zona turistike nuk ka energji elektrike.
Shkak i kësaj situate janë bërë defektet e shkaktuara në rrjetin elektrik, ndërsa ende nuk dihet se kur do të fillojë furnizimi me energji elektrike në këto zona.
Discussion about this post