Moti i pazakonte ka përfshirë Francën. Stuhi të forta me shi dhe breshër kanë shkaktuar përmbytje në disa zona atje. Sipas autoriteteve franceze këto stuhi të forta kanë shkaktuar vdekjen e një personi dhe plagosjen e 14 të tjerëve.
Një grua rreth të tridhjetave humbi jetën e bllokuar nën një makinë që u mor nga ujërat e rrëmbyer. Rrugët janë shndërruar në lumenj duke marrë çfarë i dilte përpara.
Si pasojë e motit të keq janë shkaktuar vonesa në të gjithë rrjetin hekurudhor në vend. Pasagjerët kanë formuar radhë të gjata në pritje për të marrë trenat. Sipas qeverisë franceze si pasojë e motit të keq rreth 15,000 familje mbetën pa energji elektrike të dielën. Sakaq, dëmet materiale kanë qenë të shumta.
Discussion about this post