Reshjet e shumta dhe të furishme kanë përfshirë gjithë vendin tonë sot. Problematika janë shfaqur dhe në nënkalimin në Fushë-Mamurras në autostradën Milot-Thumanë.
Mësohet se pak çaste pasi filluan reshjet e shiut, zgarat e shkarkimit të ujërave janë bllokuar. Për pasojë është rritur niveli i ujit, duke penguar kështu lëvizjen e automjeteve të vogla.
Ky është rast i përsëritur, ndërsa një banor vendas ka punuar për largimin e mbetjeve në zgarat për të larguar ujin.
Gijotina.com raportoi pak më parë ku si pasojë e motit të keq është shënuar një viktimë në Malësinë e Madhe. Mësohet se si pasojë e shkarkesave elektrike dhe rrufeve në fshatin Dedaj, Njësisë Administrative Shkrel, ka humbur jetën një person.
Discussion about this post