Gjiri Durrësit është përfshirë nga një mot i paqëndrueshëm me reshje të dendura dhe stuhi detare. Flota e peshkimit në Durrës ka marrë direktiva që për tre ditët në vazhdim të mos dalin me det.
Kapiteneria e Përgjithshme Detare u ka bërë thirrje edhe anijeve që janë në det të tërhiqen në port, pasi pritet të ketë stuhi të fuqishme detare. Sakaq edhe anijet e tonazhit të ulet nuk do të dalin në det deri në një urdhër të dytë.
Tragetet dhe anijet (tregtare) të tonazhit të rendë vazhdojnë aktivitetin e tyre. Në portin më të madh të vendit është pezulluar puna në sektorin e ngarkim-shkarkimit rifuxhio.
Discussion about this post