Policia greke ka ndaluar kalimin e kamionëve nga ana shqiptare në atë greke. Ndalimi, sicc konfirmon policia shqiptare, vjen për shkak të kushteve të këqija të motit. Ende nuk ka një orar se deri kur do të qëndrojnë në fuqi bllokimi, ndërsa një vendim pritet ditën e nesërme.
“Për shkak të kushteve të vështira atmosferike, Policia Kufitare Greke ka njoftuar Policinë Kufitare të Korçës se nga ora 17:00 e datës 12.01.2025 dhe deri në një njoftim të dytë, nuk do të lejohet lëvizja e mjeteve të tonazhit të rëndë (kamionë) nëpërmjet pikës së kalimit Kufitar Kapshticë, në drejtim të shtetit grek”, thuhet në njoftim.
Ndërkaq, bëhet e ditur se do të lejohet vetëm kalimi i autoveturave dhe autobusëve, të cilët duhet të jenë të pajisur me goma dimërore dhe me zinxhirë.
Policia e Shtetit apelon për të gjithë drejtuesit e mjeteve të rënda që kanë planifikuar lëvizjen drejt Greqisë nëpërmjet Pikës së Kalimit Kufitar Kapshticë të mos udhëtojnë drejt kësaj pike, deri në pritje të njoftimit ditën e nesërme nga Policia Kufitare Greke, për lejimin e lëvizjes së tyre.
Discussion about this post