Moti i keq ka pushtuar Sicilinë për të dytën ditë radhazi me stuhi, përmbytje, dëmtime në prona dhe njerëz ku dyshohet dhe për viktima. Sipas mediave italiane, një çift burrë e grua, 67 vjeç dhe 54 vjeç, janë zhdukur në Scordia, qendra e fushës së Katanias, e goditur nga një stuhi.
Mësohet se, trupi i 67-vjeçarit u gjet mëngjesin e sotëm larg vendit ku u pa për herë të fundit, në lagjen Ogliastra, ndërkohë që ende nuk dihet gjë për gruan 53-vjeçare.
Alarmi u dha të dielën nga një burrë pasi kishte mbetur i bllokuar në makinë si pasojë e reshjeve të shumta të shiut. Ai u tha zjarrfikësve që e shpëtuan se kishte parë një çift në një Ford Fiesta, të cilët pasi kishin dalë nga makina ishin marrë para nga furia e ujit.
Për kërkimet kanë mbërritur mbrëmjen e së dielës edhe zhytësit dhe zjarrfikësit. Për një moment në orët e vona të mbrëmjes ai mori frymë i lehtësuar pasi u njoftua zbulimi i një çifti nga Scordia të mbytur nga uji, por ata ishin dy persona të tjerë, gjithashtu burrë e grua, të cilët u dërguan në spital për masa paraprake. Përveç zjarrfikësve, në kërkim morën pjesë personeli i karabinierëve dhe mbrojtjes civile.
Shkollat në shumë qytete janë mbyllur si masë paraprake për ditën e nesërme. Sipas autoriteteve, cikloni së shpejti pritet të lëvizë drejt jugut, ndaj edhe në qytetet e tjera kanë filluar të marrin masa paraprake.
