Vala e motit të keq nuk po ndalet në Itali, dhe numri i viktimave në Emilia Romagna ka shkuar në katërmbëdhjetë. Tre trupa të pajetë janë gjetur në zonën e Ravenës, ku është edhe një person tjetër i zhdukur. Alarmi i kuq vazhdon të jetë në fuqi në këto zona, ku 27 mijë persona janë pa energji elektrike. Presidenti i Rajonit, Stefano Bonaccini u shpreh se në zonë ka një dëm prej disa miliarda eurosh.
Ministri i Mjedisit Picetto ka bërë thirrje për fondin e solidaritetit të BE-së. Ndërsa ministri i Mbrojtjes Civile, Nello Musumeci, i cili foli në “Straight and Reverse” në Rete4, tha se: “Për fat të keq nuk do të jetë hera e fundit, që do të shohim fatkeqësi të ngjashme. Me ndryshimet klimatike do të detyrohemi të jetojmë me këto skenarë”.
Edhe pse në Emilia Romagna shiu ka pushuar, mbrëmjen e djeshme në provincën e Ravenës ka patur ende përmbytje, të cilat kanë detyruar evakuime të reja.
Në disa qytete ka ende shtëpi dhe lagje pa energji elektrike dhe ujë të pijshëm, ndërsa në Apenine disa fshatra janë të izoluar për shkak të rrëshqitjeve të dheut, veçanërisht në zonën e Forlit. Ndërkohë, numri i të vdekurve nga përmbytjet ka shkuar në 14, por ka ende të zhdukur, dhe mbi 10 mijë persona të evakuuar.
Discussion about this post