Që prej ditës së djeshme moti në vendin tonë është përkeqësuar. Era e fortë gjatë orëve të natës ka shkaktuar ortek në zonën e tuneleve në Qafë Thorë.
Sipas njoftimit zyrtar, ARRSH bën me dije se po punohet për hapjen e këtij segmenti për qarkullimin e automjeteve, ndërsa në disa akse rrugore ka pasur rënie gurësh dhe inertesh të cilat janë pastruar nga kontraktori i mirëmbajtjes.
“Reshje me intensitet të ulët kanë përshkuar vendin. Grupet e punës me mjetet dhe punëtorë janë në çdo rrugë nacionale për të siguruar qarkullim normal. Në akset: Spot-Kam, Valbonë, Qafë Bualli-fillimi i Rrugës së Arbrit, Vau Dejës-Qafë Qelë ka pasur rënie gurësh e inertesh në trup të rrugës të cilat janë pastruar nga kontraktori i mirëmbajtjes. Në Qafë Thore, në zonën e tuneleve, si pasojë e erës së fortë ka pasur rënie të një orteku po punohet për hapjen e këtij segmenti”, njofton ARRSH.
Megjithëse, orët në vijim do të sjellin përmirësim të motit, si fillim në zonat perëndimore dhe gradualisht do të përmirësohen kushtet atmosferike në të gjithë vendin.
Discussion about this post