Pas Milanos, kryeqyteti i Lombardisë, një valë e dhunshme e motit të keq ka goditur rajonin Veneto në veri-lindje të Italisë.
“Askush nuk priste përmbytje të tilla në mes të majit, ne po përballemi me një situatë tmerrësisht të vështirë”, tha guvernatori rajonal i Venetos, Luca Giaia.
Në qytetin e Vicenzës, ujërat e vrullshëm dëmtuan oborret dhe katet përdhese të shkollave, pa raportuar për të lënduar. Në shumë zona rurale të Venetos, shkollat mbetën të mbyllura sot, ashtu si parqet komunale dhe qendrat sportive.
Siç ndodhi në Milano, përdorimi i rezervuarëve të veçantë ka lejuar uljen e nivelit të ujit në një numër lumenjsh.
Rajoni i Venetos u shpall pak kohë më parë gjendje e jashtëzakonshme, duke përdorur fonde speciale për riparimin e dëmeve.
Siç është raportuar, në 24 orët e fundit, zjarrfikësit kanë kryer mbi shtatëqind operacione në të gjithë Italinë veriore, veçanërisht në Lombardi dhe Veneto.
Në këtë moment po përfundon një kontroll i ri në parkun historik të qytetit të Monzas, pranë Milanos, për të përcaktuar nëse në makinat e përfshira nga furia e ujërave mund të ketë pasur ndonjë pasagjer.
Discussion about this post