Moti i keq është kthyer sërish në vendin tonë dhe dita ka nisur sot me reshje shiu të dendura dhe temperatura të ulta. Reshjet e dendura të shiut në të gjithë vendin kanë sjellë vështirësi në qarkullimin e automjeteve në shumë prej akseve rrugore. Në lidhje me këtë, ka reaguar edhe Autoriteti Rrugor Shqiptar, i cili përmes një postimi në rrjetet sociale, iu bën thirrje përdoruesve të rrugës të kenë kujdes.
ARRSH shkruan se deri në këto momente nuk paraqiten probleme në akset nacionale apo me qarkullimin e mjeteve. Mësohet se kontraktorët e mirëmbajtjes janë në terren për pastrimin e akseve nga rënia e materialeve përgjatë rrugëve.
ARRSH ka edhe një apel për përdoruesit e rrugës, të cilët i fton të bëjnë kujdes në lëvizje dhe të respektojnë sinjalistikën rrugore, e të reduktojnë shpejtësinë për shkak të lagështisë në rrugë.
Discussion about this post