Reshjet e dendura të shiut vijojnë të shkaktojnë probleme në shumë zona të vendit. Emergjencat Civile kanë bërë një njoftim lidhur me situatën aktual në qarkun e Lezhës. Raportohet se gjatë 24 orëve të fundit në këtë qark intensiteti i reshjeve ka një tendencë uljeje. Niveli i ujërave në shtretërit e lumenjve paraqitet në kuota normale. Megjithatë edhe në këtë qark nuk mungojnë zonat problematike. Tokat në zonën e kënetës në Kakarriq dhe Balldren të Bashkisë Lezhë, raportohet se janë përmbytur rreth 200 hektarë tokë.
Megjithatë sipas njoftimit rezervuarët janë nën monitorim dhe furnizimi i zonës me energji elektrike po mbahet nën kontroll. Ndërkohë rrugët nacionale, rurale dhe bashkiake janë të kalueshme dhe nuk paraqiten problematike.Hidrovoret punojnë me kapacitet të plotë dhe kuotat në basenet e tyre janë në kuota normale.
Discussion about this post