Moti i keq, përmbyten rrugët në Librazhd, disa zona ngelen pa drita

Reshjet e dendura të shiut që kanë përfshirë gjithë vendin që prej mëngjesit të sotëm, kanë shkaktuar probleme edhe në qytetin e Librazhdit.

Burime bëjnë me dije se disa akse janë përmbytur duke vështirësuar qarkullimin e automjeteve, ndërsa disa zona të qytetit kanë ngelur në errësirë si pasojë e shkëputjes së energjisë elektrike.

Probleme ka pasur në kryqëzimin e qytetit, në rrugën e Policisë, rrugën e Spitalit ndërsa ka shpërthyer edhe kolektori i ujërave të zeza. Nuk dihet ende nëse institucionet kanë dalë në terren për të monitoruar këto situata që janë shkaktuar si pasojë e punimeve “Albstar”.

Subjekti që kryen punimet në ujësjellës kanalizime vazhdojnë të krijojnë probleme që prej një viti gjithmonë kur ka reshje.