Pavarësisht se në dy ditët e undit ka patur përmirësim të moti, në disa zona të thella të vendit bora dhe ngricat vazhdojnë të jenë pezente dhe të paralizojnë qarkullimin.
Ndërkohë, Ministria e Arsimit dhe Sportit ka dalë ditën e sotme me një njoftim zyrtar në lidhje me procesin mësimor pas pezullimit nga moti i keq. Ministria informon se mësimi ka nisur në shumë shkolla në vend me përmirësimin e kushteve të motit dhe se pezullimi i përkohshëm i procesit mësimor vijon vetëm në 17 shkolla.Më tej në njoftim theksohet se situata në përgjithësi po shkon drejt përmirësimit dhe mbetet problematike në pak shkolla, në zona si Tiranë, Dibër, Klos, Mirditë, etj., ku kushtet e motit e bëjnë ende të pamundur zhvillimin e procesit mësimor.
Shkollat ku është pezulluar përkohësisht mësimi janë si vijon:
- Shkolla 9- vjeçare Selishte, Dibër
2. Shkolla 9-vjeçare “Fiqiri Cani”, Lishan i Poshtëm, Dibër
3. Shkolla e Mesme e Bashkuar “Ajet Ndreu”, Sllove, Dibër
4. Shkolla 9- vjeçare “Shemsi Haka”, Dibër
5. Shkolla e Mesme e Bashkuar “Miftar Krrashi”, Arras, Dibër
6. Shkolla e Mesme e Bashkuar “Nikoll Kaçorri”, Lurë, Dibër
7. Shkolla “Jani Fullani”, Bulqizë
8. Shkolla e Mesme e Bashkuar Xibër- Klos
9. Shkolla e Mesme e Bashkuar “Ndrec Ndue Gjoka”, Fan- Mirditë
10. Shkolla 9- vjeçare “Zenel Bastari”, Tiranë
11. Shkolla 9-vjeçare “Vilëz”, Tiranë
12. Shkolla e Mesme e Bashkuar “Ibrahim Bozhiqi”, Qafe, Elbasan
13. Shkolla 9-vjeçare Gur i zi, Elbasan
14. Shkolla 9-vjeçare “Rame Karagjozi”, Qerret, Elbasan
15. Shkolla 9-vjeçare Serice, Elbasan
16. Shkolla 9-vjeçare “Isuf Deliu”, Mollagjesh, Elbasan
17. Shkolla e Bashkuar “Ibrahim Ceka”, Funar, Elbasan.
Moti i keq në Shqipëri, pezullohet mësimi në 77 shkolla në të gjithë vendin (Lista)
Discussion about this post