Reshjet intensive të shiut dhe erërat e forta kanë detyruar kapitenerinë të pezullojë sërish lundrimin e mjeteve të vogla lundruese dhe anijeve të peshkimit në gjirin e Vlorës.
Sipas kapitenerisë, janë njoftuar të gjitha anijet e peshkimit dhe mjetet e vogla lundruese për situatën e përkeqësuar dhe janë marre masat për sigurimin e mjeteve në vendet e akostuara për parandalimin e ngjarjeve dhe situatave gjatë datës së sotme.
Për shkak të kushteve të këqija të motit, trageti nga Italia ka mbërritur rreth 7 orë vonesë, ndërsa përmirësimi i situatës pritet ditën e nesërme.
Një situatë e ngjashme u shënua edhe para disa ditësh, ku trageti që po kthehej nga Brindisi qëndroi për rreth gjashtë orë me 129 pasagjerë në mes të detit për shkak të motit të keq.
Discussion about this post