Drejtoria e Përgjithshme Detare ka pezulluar lundrimin e mjeteve të vogla në gjirin e Vlorës për ditën e sotme.
Për shkak të përkeqësimit të situatës hidrometeorologjike brenda dhe jashtë gjirit të Vlorës me qëllim parandalimin e çdo situate të papritur Drejtoria e Përgjithshme Detare kërkon bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.
DPD bën të ditur në një postim në rrjetet sociale se ndalohet pajisja me leje-nisje të mjeteve të vogla lundruese dhe ato të peshkimit të cilat operojnë në det të hapur deri në orën 22:00 të ditës së sotme.
“Anijet e transportit ndërkombëtar detar do të vazhdojnë të operojnë normalisht sipas destinacioneve përkatëse.Ndërsa përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 20:00 të ditës së sotme”, tha DPD.
Në bazë të parashikimit për situatën hidrometeorologjike të përkeqësuar brenda dhe jashtë gjirit të Vlorës gjatë ditës së sotme kushtet hidrometeorologjike do të jenë në drejtimin jug-jug-jugperëndim në forcën deri 6-7bft me shpejtësi ere deri 15-20m/s dhe lartësi dallge nga 1.50 deri 2.00 metra.
Discussion about this post