Moti i keq ka përfshirë Elbasanin këtë pasdite dhe situata sa vjen e përkeqësohet. Shumë akse rrugore janë pothuajse të pakalueshëm dhe për këtë arsye policia ka dalë në një njoftim të rëndësishëm për qytetarët, kur iu kërkon të shmangin lëvizjet. Aktualisht aksi rrugor Elbasan-Librazhd është bllokuar në të dy anët e rrugës nga inertet dhe uji që rrjedh nga mali.
Në këtë aks ndodhet shërbimet e policisë si dhe firma kotraktore të cilët po punojnë për zhbllokimin e rrugës. Gjithashtu rruga për në Cërrik ka pasur dëmtime dhe me shtimin e reshjeve të shiut kalimi në këtë aks po bëhet i rrezikshëm.
“Apelojmë të gjithë drejtuesit e mjeteve që të tregojnë kujdes gjatë drejtimit të mjeteve, të reduktojnë shpejtësinë dhe të respektojnë rregullat e qarkullimit rrugor. Policia Rrugore, ka shtuar prezencën e saj në të gjitha akset rrugore, me qëllim orientimin e trafikut dhe parandalimin e ngjarjeve rrugore”, njofton polica. Prej dy ditësh veni ynë është përshirë nga reshje të shumta shiut, të cilat kanë krijuar probleme në shumë akse rrugor.
Discussion about this post