Shqipëria u godit nga moti i keq mesditën e sotme, ndërsa në disa qytete të vendit pati përmbytje, bllokime aksesh rrugore apo rrëzime pemësh, si pasojë e erërave të forta.
Ndërkohë përmes rrjeteve sociale, Kryeministri Edi Rama bën të ditur se strukturat e shtetit janë në terren dhe shumë shpejt do kthehet normaliteti në zonat e prekura nga moti i keq.
“Pas përkeqësimit të shpejtë të motit që të gjitha strukturat shtetërore në terren për të siguruar kthimin në normalitet.
Grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike.
Drejtuesit e automjeteve të evitojnë lëvizjet e panevojshme dhe të respektojnë me përpikmëri rregullat e qarkullimit rrugor”, shkruan Rama.
Discussion about this post