Moti i keq sjell problemet e para, rrëshqasin gurët në Burrel-Skuraj

Shirat e dendur dhe moti i keq në vend ka sjellë pasojë edhe në rrugët e Shqipërisë. Konkretisht në aksin Burrel -Skuraj ka patur rrëshqitje gurësh.

Mësohet se aksi është totalisht e bllokuar. Rrëshqitje gurësh ka gjithashtu në Shkodet, në urën e Ulzës. Ky aks është i kalueshëm vetëm në një krah.

Disa orë pasi breshëri pushtoi Tiranën dhe shiu e përmbyti, parashikohet që e njëjta situatë të jetë edhe në ditët në vijim.

Sinoptikani Hakil Osmani tha se rrebeshet afatshkurtra të shiut do të jenë më të dukshme mbrëmjen e së shtunës dhe mëngjesin e së dielës.

“Reshjet do të jenë në një interval kohor tre katër orë, i cili do të sjellë intensitet mesatar në disa zona të izoluara të territorit shqiptar,”- tha ai. Reshjet e dendura sollën mjaft problematika në vend. Thuajse të gjitha akset rrugore u bllokuan nga shiu e breshëri.