Moti i keq me reshjet e borës shoqëruar me erën e fortë disa ditë më parë kanë shkaktuar probleme me rrjetin energjetik në rrethin e Skraparit. Disa fshatra janë pa energji elektrike prej tre ditësh ndërkohë që raportohet se ekipi i OSHEE-së kishte shkuar në terren i cili riparoi vetëm një pjesë të defekteve. Fshatrat: Gjerps , Leshnje, Zhepë, Gradec, Backë, Potom dhe Dërvri janë totalisht në errësirë. Këto fshatra e vuajnë shpesh mungesën e energjisë elektrike, për faktin se janë zona të thella malore dhe rrjeti elektrik në këto zona është tejet i amortizuar.
Shpesh herë këto fshatra kanë qenë pa drita për ditë me radhë, edhe për shkak të mungesës së rrugëve dhe pamundësisë së futjes në zonë të mjeteve të OSHEE-së. Burimet nga OSHE-ja Berat konfirmojnë se ekipi ishte në terren dhe riparoi disa defekte ndërsa rifillimi i reshjeve të birës i detyroi të ktheheshin pa përfunduar punën në disa zona të Skraparit.
Sot është dita e tretë për shkak të borës që ka bllokuar rrugët ende nuk është rikthyer energjia elektrike në këto fshatra. Këto zona të Skraparit çdo dimër kanë probleme pasi qëndrojnë të izoluar nga bora dhe në errësirë nga defektet si pasoj e rrjetit elektrik tepër të amortizuar .
Discussion about this post