Ndonëse reshjet e shiut kanë qenë më të pakta në zona të caktuara, situata vazhdon të jetë e përkeqësuar në gjirin e Vlorës, ku ka ende probleme me ankorimin e anijeve dhe pasagjerëve.
Mësohet se, autoritetet e portit të Vlorës kanë ndaluar dhënien e leje-nisjes së të gjitha mjeteve lundruese, anijeve të peshkimit që operojnë jashtë gjirit të Vlorës dhe marrjen e masave për sigurimin e tyre.
Gjithashtu, bëhet me dije se për shkak të kushteve jo të mira hidrometeorologjike, trageti i linjës Vlorë-Brindisi ka mbërritur në bordin e Vlorës por nuk është ankoruar pasi pritet përmirësimi i kushteve, për të zbritur pasagjerët dhe shkarkuar mallrat.
Përmirësimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit pritet të fillojë pas dreke.
Discussion about this post