Pjesa më e madhe e territorit shqiptar deri në orët e mesditës do të jetë në mbizotërimin e motit të kthjellët dhe kalimeve të pakta të vranësirave. Ato do të fokusohen më shumë në verilindje të vendit tonë. Sipas MeteoAlb, pas mesdite pritet që vranësirat e lehta dhe kalimtare të bëhen më të dukshme edhe në ultësirën perëndimore.
Temperaturat e ajrit do të rriten në mëngjes, por do të ulen lehtë në mesditë duke luhatur vlerat ditore nga 3°C deri në 16°C.
Era do të fryjë mesatarisht në det me shpejtësi 30 km/h nga drejtimi Jugor duke krijuar në brigjet detare dallgëzim 2 ballë.
Kosova
Mbetet Kosova në pjesën e parë të ditës në mbizotërimin e motit të kthjellët në pothuajse të gjithë vendit. Por parashikohet që orët vijuese të sjellin shpeshtim të vranësirave në të gjithë territorin, KU më të dukshme vranësirat do të jenë në zonat Veriore.
Maqedonia e Veriut
Vlerat e larta barike do të diktojnë kushtet e motit në të gjithë vendin, ku kthjellimet parashikohet që më të dukshme të jenë në orët e para të ditës në MV. Ndërsa pasditja dhe mbrëmja do të sjellin kalime vranësirash të cilat më të theksuara do të jenë në zonat Lindore.
Rajoni dhe Europa
Pjesa më e madhe e Pellgut të Mesdheut do të jetë në dominimin e kushteve të qëndrueshme atmosferike. Ndërsa pjesa tjetër e kontinentit do të jetë nën ndikimin e masave të paqendrushme atmosferike, KU vranësirat e shpeshta do të gjenerojnë reshje shiu dhe dëbore. Europa Lindore dhe gadishulli Skandinav MBETEN me vranësira të cilat herë pas here do të sjellin dhe reshje dëbore.
Discussion about this post