Në fundjavë priten reshje të dobëta në të gjitha qarqet. Fundjava pritet të jetë nën ndikimin e kushteve atmosferike relativisht të paqëndrueshme. Të shtunën dhe të dielën, moti nis me kthjellime dhe zhvillim të vranësirave në orët e mesditës dhe pasdites.
Vranësirat do të pasohen me reshje shiu përgjatë relieveve kodrinore-malore.
Hera-herës rrebeshe e shtrëngata lokale shoqëruar me breshër e shkarkesa elektrike, në intervale të shkurtra kohore.
Era do të fryjë me drejtim verilindje-veriperëndim me shpejtësi mesatare deri 7m/s, ndërsa në bregdet dhe lugina fiton shpejtësi deri 14m/s, kryesisht ditën e diel. Valëzimi në dete do të jetë i forcës 1-2 ballë.
Discussion about this post