Pasditen e sotme qyteti i Librazhdit është përfshirë nga reshje të dendura shiu. Edhe pse jemi zyrtarisht në stinën e verës, një shtrëngatë shiu ka rënë në këtë qytet. Ndërkohë që policia u ka bërë apel drejtuesve të mjeteve që të bëjnë kujdes gjatë drejtimit të mjetit, pasi mund të shkaktohen aksidente.
Gjithashtu theksohet se në segmentin “Kthesat e Murrashit” ka edhe rënie të gurëve, gjë që mund të rezultojë fatale. Këto akse shfaqen gjithmonë problematike gjatë ditëve me reshje të dendura shiu, pasi shkaktojnë rënie masive të gurëve duke u bërë burim aksidentesh.
Sakaq automjetet detyrohen të presin në radhë të gjata trafiku, derisa Bashkia të ndërhyjë për lirimin e rrugës.
Discussion about this post