Moti për javën e ardhshme, reshje shiu dhe ulje temperaturash

Moti javën e ardhshme, përgjithësisht do të mbizotërohet nga vranësira dhe kthjellime të përkohshme, sipas Shërbimit Meteorologjik Ushtarak.

Reshjet e shiut, do të përfshijnë kryesisht pjesën bregdetare me intensitet të ulët.

Herë pas here, reshjet do të marrin intensitet mesatar. Ditën e enjte dhe të premte, reshjet do të përfshijnë të gjithë vendin.

Në pjesën bregdetare priten rrebeshe me rrufe.

Era, do të fryjë juglindje e jugperëndim e lehtë e mesatare. Në bregdet, gjatë të enjtes e të premten pritet erë e vrullshme në bregdet.

Valëzimi në det parashikohet i forcës 2 deri 4 ballë.