Territori shqiptar do të vijojë të jetë nën ndikimin e motit të paqëndrueshëm. Vranësirat do të dominojnë. Priten reshje dëbore në të gjithë zonën malore Lindore ndërsa reshje të pakta shiu do të ketë në bregdet dhe zonat e ulëta. Orët e pasdites do të sjellin përmirësim gradual të kushteve atmosferike si edhe rënie të ndjeshme të temperaturave për shkak të qarkullimit të masave ajrore nga verilindja e Europës.
Temperaturat e ajrit do të pësojnë rënie në mëngjes por më e ndjeshme rënia pritet në mesditë duke luhatur vlerat ditore nga 0°C deri në 14°C.
Era do të fryjë mesatarisht me shpejtësi 45 km/h nga drejtimi verior – verilindor duke krijuar në brigjet detare dallgëzim 3 ballë.
Rajoni dhe Europa
Kontinenti Europian në pjesën më të madhe do të jetë në ndikimin e kushteve të paqëndrueshme atmosferike, KU vranësirat dhe reshjet e shiut dhe dëborës do të jenë prezente. Konkretisht: reshje të dendura shiu do të vijojnë në Mbretërinë e bashkuar si edhe Europën qëndrore. Po ashtu, reshje shiu e dëborë të dendur pritet në gadishullin e ballkanit. Po ashtu, prezenca e dy qendrave të presionit të ulët atmosferik përkatësisht në veri të Europës do të sjellë në Skandinavi reshje të konsiderueshme dëbore. NDERSA mbetet me kthjllime dhe vranënsira te lehta vetëm gadishulli Iberik.
Kosova
Territori i Kosovës për gjatë të martës do të jetë në mbizotërimin e masave ajrore të ftohta dhe të paqëndrueshme, të cilat do të sjellin vranësira të shumta në vend. Gjatë paradites, herë pas here vranësirat do të gjenerojnë reshje shiu dhe dëbore. Ndërsa pjesa e dytë e ditës do të sjelli dobësim të vranësirave në të gjithë Kosovën, duke bërë që të kemi edhe intervale të shkurtra me kthjellime.
Maqedonia e Veriut
Republika e MV do të mbetet në mbizotërimin e kushteve të paqëndrueshme atmosferike në të gjithë territorin, duke bërë që vranësirat e dendura të sjellin herë pas here reshje shiu POR më të shumta reshje dëbore si pasojë e masave ajrore me origjinë verilindore. Gjithashtu, temperaturat e ajrit do të jenë të ulëta.
Discussion about this post