Moti i keq me reshje të dendura shiu ka shkaktuar probleme me furnizimin me energjie elektrike në Lezhë. Bëhet me dije se stuhia ka dëmtuar linjat, duke lënë pa energji disa fshatra në zonën e Zadrimës dhe Ishull-Lezhë.
Ndërkohë edhe lundrimi detar në Shëngjin vijon te jete i pezulluar, pasi dallgëzimi shkon deri në 8 ballë.
Po ashtu ka rritje të nivelit të prurjeve në lumenjtë Drin, Mat dhe Gjadër, por aktualisht nuk përbëjnë rrezik për përmbytje. Situata po mbahet nën monitorim të vazhdueshëm nga emergjencat civile.
Sipas Shërbimit Meteorologjik Ushtarak, dita e sotme do të shoqërohet me rrebeshe e reshje shiu me intensitet deri të lartë, kryesisht në qarqet Shkodër, Lezhë, Kukës, Peshkopi, Durrës, Tiranë, Elbasan dhe pjesërisht qarku i Vlorës.
Discussion about this post