Moti i keq do të sjellë kufizime në lundrimin detar në Vlorë. Duke nisur nga ora 16:00 e ditës së sotme, mjetet e vogla lundruese dhe anijet e peshkimit nuk do të lejohen të lundrojnë në det të hapur, jashtë Gjirit të Vlorës.
Kufizimi do të mbetet në fuqi deri në mëngjesin e 14 nëntorit, në orën 06:00, për shkak të erërave të forta dhe dallgëzimit të lartë që pritet të përfshijë zonën bregdetare.
Sipas parashikimeve meteorologjike, era pritet të arrijë forcën 7–8 ballë, me shpejtësi 20–35 metra në sekondë, ndërsa lartësia e dallgëve parashikohet të arrijë nga 2 deri në 4.5 metra.
Ndërkohë, anijet e transportit ndërkombëtar do të vijojnë normalisht lundrimin sipas destinacioneve të tyre, pa u prekur nga kufizimet e vendosura për mjetet e vogla dhe anijet e peshkimit.
Discussion about this post