Disa fshatra të juglindjes së vendit për shkak të reshjeve të shumta të dëborës shoqëruar me era të forta dhe stuhi kanë ngelur pa energji elektrike.
Pra bëhet fjalë se rreth 1700 familje pa energji elektrike.
Burime zyrtare nga OSSHE bëjnë me dije se pa energji elektrike janë fshatra të shumta të njësive administrative të bashkive Pogradec, Kolonjë, Korçë, Devoll, Maliq.
Situata bëhet më e rëndë përsa i përket rikthimit të energjisë elektrike nga trashësia e madhe e dëborës dhe pothuajse pamundësia e grupeve të punës për të ndërhyrë.
Pa energji elektrike janë fshatra të tërë në Çlirim, Panarit, Grabockë e Treskë. Gjithashtu pa energji elektrike janë fshatrat Podgozhan aty ku më tepër se 1000 familje prej më tepër se 10 orë vuajnë mungesën e energjisë elektrike, ashtu siç vuajnë dhe banorët e fshatrave Shpellë, Jollë, Homçan, Homezh, Trebinjë, Cezmë.
Probleme me energjinë elektrike paraqiten edhe në fshatrat e Maliqit si Senishti, Zvarishti, Tresova dhe Lozhani.
Edhe në Kolonjë fshatrat e Rehovës dhe fidri numër 2 në nënstacionit të Ersekës ka lënë pa energji elektrike me tepër se 400 familje.
13 grupe pune në gjithë Qarkun janë në gatishmëri në pritje për të ndërhyrje në linjat e dëmtuara nga reshjet e shumta të dëborës.
Discussion about this post