Jeta e pushuesve në plazhin e Shëngjinit po rrezikohet çdo ditë. Ish-kryetari i Partisë Demokratike, Sali Berisha ka publikuar në rrjetin social Facebook denoncimin e një qytetari nga Struga i cili ndodhet me pushime në vendin tonë.
Në fotot e publikuara duken motorët e ujit fare pranë pushuesve në det.
Kujtojmë se vitet e kaluara motorët e ujit dhe skafet, kanë shkaktuar shumë aksidente me pasoja fatale për turistët që shkonin në këtë zonë për të pushuar.
Një kambanë alarmi kur sezoni turistik ka nisur dhe drejt bregdetit çdo ditë e më shumë do të ketë dyndje peshuesish. Por ajo që është vënë re për çudi policia nuk ndërhyn.
“Shëngjini- plot motora uji midis pushuesve!
Narkopolicia bën sehir!
“Përshëndetje Zoti Sali Berisha jam nga qyteti Struges edhe kam ardhur me pushime në Shëngjin por këtë vit qenka një problem shumë i madh me këta motorët e ujit sepse ne jemi familje e madhe edhe kemi problem femijet ti lem vetëm sepse motorat e ujit janë shumë problem i madh ne zonat e populluara. Këta motorët e ujit i kanë djemtë e komandantit te kufirit Shëngjin edhe nuk i pengon njeri ju lutem si mund ta zgjidhim këtë problem se me te vërtet jemi mërzitur shumë po rrimë ne stres te madh”.”
Discussion about this post