Një aksident i rëndë ka ndodhur në aksin rrugor Lezhë- Milot, tek kryqëzimi i Rrilës, ku mësohet se një motorçikletë është përplasur me një automjet, e për pasojë ka marrë dëmtime drejtuesi.
Ai është transportuar për në Spitalin rajonal për ndihmë mjekësore, ndërsa nuk ka ende një njoftim zyrtar nga policia. Kujtojmë se më herët një aksident i frikshëm ka ndodhur në aksin rrugor Lezhë-Shkodër, në afërsi të fshatit Balldre.
Një automjet i tipit ‘Peugeot’ me të cilën udhëtonin babai me dy djemtë e tij doli nga rruga dhe u përmbys. Nga aksidenti ka marrë lëndime të lehta drejtuesi i automjetit që po lëvizte në drejtim të Lezhës, gjithashtu dy djemtë ndodhen nën kujdesin e mjekëve, fatmirësisht të tre janë jashtë rrezikut për jetën.
Nuk dihen ende shkaqet e këtij aksidenti, por policia dyshon se ata po udhëtonin me shpejtësi tej normave të lejuara, gjithsesi hetimet po vazhdojnë, ndërsa po merret në pyetje dhe drejtuesi i mjetit.
Discussion about this post