Një aksident ka ndodhur paraditen e sotme në hyrje të fshatit Tren të Devollit. Sipas informacionit të Policisë së Devollit, 64-vjeçari me motomjetin e tij ka dalë nga rruga, duke mbetur i plagosur.
Njoftimi i Policisë:
Më datë 09.06.2023, rreth orës 11:15, në hyrje të fshatit Tren, Devoll, shtetasi T. K., rreth 64 vjeç, banues në Bilisht, duke drejtuar një motomjet tip “Yamaha”, dyshohet se ka humbur kontrollin mbi drejtimin e mjetit dhe motomjeti ka dalë nga rruga.
Për pasojë është dëmtuar drejtuesi shtetasi T. K., i cili u transportua për mjekim në spitalin e Korçës.
Grupi hetimor po punon për përcaktimin e shkakut të daljes nga rruga.
Discussion about this post