Motori përplas biçikletën në Elbasan, drejtuesit dërgohen në spital

Një aksident ka ndodhur në orët e para të mëngjesit në aksin rrugor Elbasan-Metalurgji ku një motor ka përplasur një biçikletë.

Sipas njoftimit të policisë, aksidenti ndodhi në orën 06:20, kur motori me drejtues 36-vjeçarin me inicialet T.SH ka përplasur një 59-vjeçar i cili po lëvizte me biçikletë. Të dy personat kanë marrë dëmtime nga kjo përplasje dhe janë dërguar për në spitalin e Elbasanit, ku po marrin mjekimin e duhur.

Mësohet se të dy personat janë jashtë rrezikut për jetën, ndërsa forcat policore ndodhen në vendngjarje për të zbardhur rrethanat e aksidentit.