Kryetari i Partisë Demokratike, Sali Berisha ka reaguar pas publikimit të lajmit se motra e Nuredin Dumani është e punësuar në Ministrinë e Jashtme.
Berisha thotë se ky është një superskandal, ku motra e vrasësit me pagesë pajiset me certifikatë sigurie për NATO-n.
Ish-kryeministri shkon më tej kur thotë se DSIK e pajisi me certifikatë sigurie pikërisht kur Dumani filloi rrëfimin për serinë e vrasjeve në SPAK lidhjet e qeveritarëve të lartë me krimin.
“Super skandal i ri! Banda qeveritare e Elbasanit e pajisur me certifikatë sigurie për NATO. Miq, Njëra prej bandave më të rrezikshme në Evropë dispononte edhe certifikatë sigurie për NATO-n. Mediat informojnë sot se më datën 06.06.2022, motra e vrasësit serial Nuredin Dumani u pajis nga drejtori i përgjithshëm i DSIK, i cili varet direkt nga Edi Rama, me certifikatë sigurie për të lexuar edhe dokumentet sekrete të NATO-s. Kjo u bë me kërkesë të Ministres së Jashtme Olta Xhaçkës. Ky super skandal ndodhi pikërisht në ditët kur i vëllai i saj depononte në prokurori serinë e vrasjeve me pagesë që ai ka kryer, por edhe lakimin e Taulant Ballës dhe qeveritarëve të tjerë të lartë si të përfshirë në veprimtaritë e bandës. Dënoj me forcën më të madhe këtë superskandal që dëshmon lidhjet e tmerrshme të niveleve më të larta të qeverisë me krimin”, shprehet Berisha.
Discussion about this post